TENDERYARD innovativ internet platforması (online market place) “TENDERYARD” MMC-yə məxsus olmaqla 06.06.2024-cü il tarixində yaradılmışdır. Platformanın yaradılmasında məqsəd və əsas missiyamız, istifadəçilərin hər cür ehtiyaclarının (alış, satış, xidmət, logistika, tikinti, iş axtarışı və s.), bu ehtiyacları ödəyə biləcək istifadəçilərlə vahid bazada vasitəçisiz əlaqələndirilməsidir. Platforma həm fiziki, həm də hüquqi şəxslər üçün nəzərdə tutulmaqla, iş elan və təklifləri də daxil olmaqla, bütün növ mal, məhsul və xidmətlarin alış və satış bazasını özündə əks etdirən vahid universal virtual məkan kimi çıxış edir. TENDERYARD, eyni zamanda professional tender platforması olmaqla, biznes strukturlara mal və xidmətlar (o cümlədən tikinti, loqistika və s.) üzrə bu platforma vasitəsilə keçirdikləri alış tenderləri üzrə əldə etmək istədiklərinin daha ucuz və daha sürətli əldə olunmasına xidmət edir.

Platforma yaradılanadək, hazırda beynəlxalq internet dövriyyədə mövcud olan analoji platformaların xüsusiyyətləri, onların istifadəçilər üçün verimliliyi, innovativ data analiz və süni intellekt məhsullarından yararlanmanın səviyyəsi təhlil edilmiş və bu innovativ yeniliklər maksimal olaraq platformaya tətbiq edilmişdir. Platforma, həm veb versiyanı, həm də android və İOS istifadəçiləri üçün tətbiq versiyasını (TY) özündə birləşdirir. TENDERYARD, Beynəlxalq internet dövriyyədə mövcud olan analoji platformalardan fərqləndirici bir çox unikal xüsusiyyətlərə malikdir.

Digər platformalar yalnız satış bazası üzərində qurulduğu halda, TENDERYARD həm alış istəkləri bazası, həm də satış bazasını özündə birləşdirir. Platforma istifadəçiləri sadə qeydiyyat prosedurunu keçərək, almaq və ya satmaq istədikləri bütün növ mal, məhsul, iş və xidmətləri “alış sorğusu” və “satış təklifi” yaradaraq platforma bazasına daxil edə bilərlər.

Digər platformalardan fərqli olaraq, TENDERYARD bazasını təşkil edəcək yeni “alış sorğusu” və ya “satış təklifləri” bazaya düşən anda, bu sorğu və təlkifi yaratmış fiziki və ya hüquqi şəxsin mobil tətbiqinə (həmçinin veb profilinə) sistem tərəfindən axtarılan və ya satılması istənilən mal və xidmətlərin bazada mövcudluğuna dair bildiriş göndərilir.

Mobil tətbiqə (veb profilə) daxil olmuş bildiriş əsasında sorğu və ya təklifi etmiş şəxslər, bu şəxslərin yerləşdiyi məkan göstəriciləri (istifadəçinin istəyinə uyğun olaraq xəritədə əksi göstərilməklə), təkliflər üzrə qiymət parametrləri və digər göstəricilərə dair məlumatlar əldə edilir.

Platforma bazasında mövcud olan məlumatlar üzrə data təhlil əsasında ən ucuz və ən yaxın mal, xidmət, əşya, iş və s. təklifi və sorğusu müəyyən edilə bilir.

Bir deyil, bir çox mal və məhsulların satışı (pərakəndə və topdan satış), xidmətlərin göstərilməsi ilə məşğul olan istifadəçilər üçün, həm əlahiddə bir satış predmeti üzrə ayrıca satış təklifi, həm də, bütünlükdə satış predmetlərinin məcmu siyahısı (cədvəl) üzrə satış təklifi yaradıla bilər.

Mobil tətbiqə daxil olmuş bildiriş əsasında, bildiriş daxil olmuş şəxslə onun telefon məlumatı olmadan belə tətbiq vasitəsilə əlaqə (yazılı və səsli mesaj, zəng, görüntülü zəng vasitəsilə) yaradıla bilər.

Sorğu və təkliflər, sorğu və təklif predmetlərinin yalnız çəkilmiş fotosu əsasında da yaradıla bilər. Bu funksionallıq, platforma istifadəçilərinə sorğu və ya təklif predmetlərinə dair səhih məlumat olmadığı hallar üçün keçərlidir. Eyni zamanda, bina, mənzil, qeyri yaşayış sahələr üzrə sorğu və təkliflər yaradan şəxlər sorğu predmetlərinin ünvanından başqa, həmin predmetlərin yerləşdiyi lokasiyanı və fotoşəkli qeyd etməklə bu sorğu və təkliflərin sürətli reallaşmasını təmin edə bilərlər.

İş axtaranlar və vakansiyaya malik sahibkarlar da müvafiq qaydada “sorğu” və “təklif” yaratmaqla, platformanın funksionallığı sayəsində öz maraqlarını sürətli təmin edə bilərlər.

TENDERYARD komandası Beynəlxalq internet dövriyyədə baş verən bütün innovativ dəyişiklikləri hər zaman diqqətdə saxlayaraq, bu innovasiyaların operativ tətbiqinə nail olmaqla, daim xidmətinizdə olacaqdır!!!

Dəyişən dünyada hər cür istəklərinizi sürətli reallaşdıracaq TENDERYARD.COM saytına qoşulmaqla rəqabət üstünlüyünüzü təmin edin!!!!